كلنا بتيجي علينا لحظة بنتحدى نفسنا أننا لازم نبدأ نعمل دايت، ناكل صحي وننزل الجيم علشان نعمل الفورمة، أول حاجة بنعملها بنجيب النوتة ونكتب عليها بالخط العريض، أننا هنبطل أكل حلويات، شوكولاتة، مشروبات غازية وسناكس، والهدف أننا نخسر 30 كيلو دهون
وطبعاً بعد ما ناكل وجبة الوداع اللي بتكون أقل حاجة 1000 سعرة حرارية وفيها كل ما لذ وطاب علشان طبعاً دي أخر حاجة هناكلها ونبدأ دايت على طول♂️
بنفتح جوجل ونكتب ” أسرع طريقة لفقدان الوزن ” وهتلاقي معلومات وترشيحات مش مكتوبة من دكتور تغذية متخصص، زي مثلاً
1- دايت المياة: ودا فكرته أنك تلغي الأكل من يومك وتشرب بس المياة لفترات طويل بتوصل لأسابيع!
2- دايت السوائل: وهنا أنت بس بتشرب سوائل وعصاير مع الشاي والقهوة
3- دايت الفاكهة: هتاكل بس فاكهة وتعيش عليها وتمنع أي حاجة تانية.
الأنظمة دي في زيها كتير، وفيديوهات ناس مش متخصصة بتقول نصائح عن التغذية وخسارة الوزن، وأكيد أكيد هتلاقي نتيجة وميزانك هيبدأ يقل، كمان هتشوف نفسك أن مقاساتك نزلت، والناس هتبقى فرحانة بيك، أنك عملت الإنجاز دا في وقت قليل!
بس تعالى كدا نقولك كمية الأضرار اللي عملتها في جسمك وصحتك، لما عملت دايت من غير استشارة دكتور تخسيس:
1- نقص العناصر الغذائية:
لما بتمنع نفسك من أنك تاكل أو تقلل كميات الأكل، أنت كدا بتحرم جسمك من العناصر الغذائية المهمة، دا هيسبب لك ضعف في جهاز المناعة، فقر دم وأنيميا، كمان هتفقد كمية كبيرة من العضلات.
فأنت محتاج أخصائي تغذية مُتخصص يظبط لك نظام غذائي محسوب لكل العناصر الغذائية ومناسب احتياجات جسمك، علشان متحسش بأي تأثير وتخس بصحة.
2- اضطرابات في الدورة الشهرية:
لما بتعملي دايت مش صح وتخسري وزن كتير، دا بيسبب اضطرابات هرمونية بيؤثر على إنتاج الاستروجين والبروجستيرون وبيؤدي إلى تغيرات في الدورة الشهرية والنتيجة انقطاع الطمث أو فترات غير منظمة.
علشان كدا لازم يكون معاكِ دكتورة تغذية تساعدك تحققي أهدافك من خسارة الوزن من غير تأثير على العمليات الحيوية في جسمك، وكمان تحافظي على صحتك ودا هينعكس على جمال البشرة ونضارتها.
3- التأثير على الصحة النفسية والعقلية:
علشان أنت بتضعط على نفسك وماشي على نظام دايت صارم، دا هيسبب لك زيادة في مستويات التوتر والقلق علشان هتفضل دايماً عايش بتشوف إيه المسموح والممنوع أنك تاكله، ولو كلت حاجة تانية بتأنب ضميرك وتضغط زيادة على نفسك، ودا مش هيوصلك لحاجة غير أنك بتشوف نفسك سيء وهتلاقي الموضوع انعكس لكل حاجة في حياتك وعلاقاتك الاجتماعية.
رحلة الدايت طويلة ومهم يكون حد جمبك يشد بإيدك لو وقفت أو عطلت في نص الطريق، ومفيش أهم من دكتور تغذية يسمعك ويفهم مشاكلك علشان يرشدك للطريق الصحيح.
4- فقدان الشهية المُفرط:
لما تعيش في فترة من الحرمان للأكل وتستمر فيها بتوصل لحالة من فقدان الشهية المُفرط، وهنا أنت وصلت نفسك أنك خلاص مبقتش عاوز تاكل أي حاجة، ودي مش حاجة حلو بالعكس دا خطر وخطر كبير جداً كمان، لأنه هيسببلك أضرار صحية زي ضعف المناعة، الإمساك، مشاكل الجهاز الهضمي، انخفاض في مستويات الطاقة والتركيز.
الدايت أساسه أنك تاكل بس الفكرة هي نوعية الأكل اللي بتدخله في جسمك، دا في الأساس وظيفة دكتور تغذية مُتخصص أنه يحدد لك نوعية الأكل وكمياتها بالسعرات اللي جسمك محتاجها، علشان يأدي وظائفه بصحة.
5- تدهور الأداء البدني واللياقة:
لو بتلعب رياضة وبتعمل دايت من غير استشارة أخصائي تغذية فكل الأضرار دي هتتضاعف عليك لأن أكتر مشكلة هتعاني منها هي أنك هتخسر الكتلة العضلية، طاقتك وتركيزك هيكونوا في أقل مستوى ليهم بسبب نقص العناصر الغذائية، دا هيأثر على تأخر التعافي، زيادة خطر الإصابة، ضعف القوة وانخفاض مستوى التركيز.
فمهم للرياضين يكون معاهم دكتور تغذية مسؤول عن نظامك الغذائي بالكامل ويتابع معاك خطوة بخطوة، علشان تخسر دهون فقط وتحافظ على كتلك العضلية.
دلوقتي بعد ما عرفت كل الأضرار اللي هتسببها لصحتك من الدايت العشوائي، اختيار أنك تتابع مع دكتور تخسيس بقى أمر لا بد منه لصحتك في المقام الأول وعلشان تعرف تحقق نتائج وتوصل لأهدافك اللي بتحلم بيها من جسم متناسق وشكل صحي.
ولو محتار ومش عارف تختار دكتور تخسيس وتايه دكاترة تخسيس الكتير، ففي المقالة دي( لية تختار تتابع مع دكتور تخسيس اون لاين؟ ) بنشرحلك ازاي تختار أنسب دكتور ليك.
طب لو معندكش وقت تتابع وتروح عيادة تخسيس !
فالحل أنك تتابع مع دكتور اونلاين من أي مكان وتوفر على نفسك تعب الطريق وزحمة العيادات.
احنا في تطبيق Nshape قدمنا لك ميزة كبيرة علشان تلاقي دكتور تغذية مناسب ليك من غير تعب، بمجرد ما تحمل التطبيق، هتلاقي جلسة تقييم مجانية مع واحد من فريقنا المُتخصص، هتدخل معاه جلسة مجانية فيديو كول. وخلال الجلسة هنسألك عن حالتك الصحية وهل بتعاني من أي أمراض مزمنة وأهدافك في التخسيس.
هنسألك برضه ليه مش بتستمر في الدايت، وبنحاول نفهم طبيعة جسمك ونمط حياتك، إيه هو طبيعة شغلك وبتشتغل وقت قد إيه؟
كل الأسئلة دي دورها أنها تخلينا نساعدك تختار دكتور تخسيس مناسب ليك،
لأن هدفنا هو تقليل التشتت اللي بتواجهه بين الدكاترة، عن طريق ترشيح دكتور تغذية نجح مع حالات زي حالتك.
وعلشان نسهل عليك مشوار الدايت، بنقدم ليك طرق دفع مرنة يعني هتقدر تدفع بالجلسة الواحدة بسهولة، من غير ما تحتاج تدفع شهور قدام.
وفي حالة انك مش مستريح مع الدكتور أو محتاج تغييره، هتقدر تعمل كده مجانًا في الأسبوع الأول.
ابدأ تغيير حياتك دلوقتي بأسهل الطرق مع تطبيقNshape
حمل التطبيق دلوقتي من Download