الفورمة غالية؟ اعرف أكتر عن أول نظام متابعة اقتصادي خدمة Nshape Pro
بعد أول يومين في الدايت والجيم، لاقيت نفسك بتصرف فلوس كتير بسبب أن أكل ” الدايت ” غالي دا غير المصاريف التانية زي اشتراك الجيم، المكملات، الفيتامينات، وطبعاً لو هتابع مع مدرب أو دكتور تغذية فكدا الميزانية بقت بأرقام كبيرة.
فبتقول لنفسك وعلى إيه من كل دا، أنا هوقف الدايت وارجع زي زمان!
احنا معاك وبنقدملك حل هيساعدك تتخطى أزمة المصاريف اللي بتعطلك وبتوقف في طريق تحقيق أهدافك، خدمة Nshape Pro أول نظام متابعة اقتصادي في مصر بسعر يبدأ من 150 جنية بس.
الهدف من خدمة Nshape Pro أننا نقدملك نظام دايت مُتكامل بالأكل اللي بتحبه والمناسب ليك صحياً ومادياً ومصمم من أفضل دكاترة التغذية، وكمان جدول تمارين بفيديوهات بتشرح لك طريقة اللعب الصحيحة بإشراف أفضل مدربين اللياقة المعتمدين، وكل دا بيحصل أونلاين مع تطبيق Nshape علشان نسهل عليك الموضوع أكتر.
وفي 5 مميزات هتحصل عليها من اشتراكك في خدمة Nshape Pro:
1- تصميم نظام غذائي مناسب ليك:
بإشراف دكتور تغذية دكتور متخصص بنقدملك خطة دايت مُتكاملة تحقق أهدافك، محسوبة السعرات الحرارية وشاملة للعناصر الغذائية الأساسية من البروتين والدهون والكربوهيدرات والفيتامينات والمعادن، بناءً على احتياجاتك الفردية.
وكمان هتكون مناسبة ليك لو بتعاني من مشكلات خاصة زي الحساسيات الغذائية.
2- جدول تمرين لمستواك وأهدافك:
بيقوم بتصميم تمارينك أفضل مدربين اللياقة المعتمدين، اللي هيقدمولك فيديوهات شاملة لكل تمرينة ويشرحلك بتتلعب ازاي وإيه التكنيك الصح ليها كأنه واقف معاك في الجيم بالظبط.
وبعد ما يعرف أهدافك اللي عاوز تحققها سواء خسارة وزن أو زيادة كتلة عضلية، فهو هيقولك النظام الأنسب ليك سواء كان (Push, Pull, Leg ) أو (Upper/Lower body ) أو ( Pro Split )، مع توضيح تمارين الكارديو الأصح واللي هتزود لك فعّالية تمارينك، علشان تكون مش محتاج حاجة غير النظام اللي هنبعتهولك.
وكمان لو معندكش وقت فهنقدملك مجموعة تمارين تلعبها في البيت أو من أي مكان بسهولة.
3- متابعة دورية من الخبراء:
وعلشان نطمئن أنك ماشي على الطريق الصح، فبيكون في متابعة ونظام دايت مُحدث كل 10-14 يوم، علشان نقييم الفترة اللي فاتت ونحلل مدى استجابة جسمك للدايت وهل في تحسن ولا لا؟.
ومن الأسباب المهمة برضه أن التكرار نفس النوع من الأكل بيؤدي إلى الملل وفقدان الالتزام بالدايت، فلما بنغيير الخيارات الغذائية المتاحة بيمكن تحفيز الشهية وبيخليك تستمع أكتر بأكل الدايت.
وكمان دا مفيد جداً لجسمك لأنه مع مرور الوقت في نظام دايت واحد ممكن يؤدي إلى نقص بعض العناصر الغذائية الضرورية، وهنا بيكون لازم نقدملك أنظمة مختلفة علشان نضمن أن جسمك بيدخله كل العناصر الغذائية.
4- مرونة في التكلفة:
الشائع حالياً أنك لو عاوز تحصل كل مميزات المتابعة مع دكتور تغذية أو مدرب لياقة، هتدفع رقم مكون من 3 أصفار!ّ!
احنا في Nshape Pro بنقدملك نفس كل المميزات وأكثر وبسعر اقتصادي تنافسي مش موجود في مصر، وهو أنك هتقدر من أول 150 جنية تحصل على دا وأكثر كمان.
5- توفير الوقت والمجهود:
الخدمة هدفها أنها تشيل من عليك حَمل البحث على دكاترة التغذية وكمان المشوار العيادة اللي في وسط الزحمة، دا غير طبعاً ساعات الانتظار الطويلة اللي بتقضيها، ولما يجي دورك بيدخل معاك 3 تانيين، وكلكم بتاخدوا نفس النظام الغذائي!
وغالباً أنت بعد ما تمر بكل دا هتكسل تستمر ومش هتكمل في الدايت، علشان كدا كان من أهم أهداف Nshape Pro أنها تقدملك أفضل خدمة بشكل مريح.
وعلشان البداية الصح في أي نظام دايت بتكون من خلال تجميع أكبر قدر من المعلومات عنك وعن نمط حياتك، فأول ما تحمل التطبيق بيكون متاح ليك جلسة تقييم مجانية أونلاين مع واحد من فريقنا، علشان نعرف منها التفاصيل المهمة اللي هنقدر نبني عليها خطة الدايت والتمارين، زي:
حالتك الصحية، وإيه هي الأمراض المزمنة اللي بتعاني منها؟
إيه نوع الأدوية اللي بتاخدها؟
هل عندك القدرة أنك تلعب رياضة أو تنزل جيم؟
يعرف قصتك وليه عاوز تبدأ دايت وإيه هي أهدافك؟
-وأهم نقطة أنه يعرف إيه الأسباب اللي بتخليك توقف دايت؟
يفهم منك طبيعة جسمك وإيه اللايف ستايل بتاع حياتك
يشوف أنت بتشتغل كام ساعة في اليوم وإيه طبيعة شغلك؟
كل الأسئلة دي دورها أننا نطلع بأكفأ نظام دايت وجدول تمارين مُخصص ليك ومناسب لتحقيق أهدافك.
من النهاردة أنت قدامك فرصة مهمة علشان تبدأ تغيير حياتك وتوصل لشكل الجسم اللي بتحلم بيه، لأن أكبر عائق كان بيقف أمامك خلاص بقى هو الحافز اللي يخليك تبدأ.